Nje status ne rrjetin social FCB sot ka ngjallur habi per çdokënd qe ka “friend” stomatologun Vasil Semi qe ushtron aktivitetin e tij ne nje klinike private dentare ne Gjirokaster. Nje status qe mbart ne vetvete tone poshteruese e fyese karshi atyre prinderve, qe sipas Vasil Semit nuk i lane femijet qe te harboheshin ne Gjirokaster duke kryer akte denuese.
Statusi i publikuar sot nga Vasil Semi eshte ky:
Protesta ne Gjirokaster mbaroi. Po pse?! Sepse dhe ata pak femije qe dolen dje sot nuk i lane prindrit me. Prinder te frustruar , te blere, te shitur , te kamufluar qe mbijetojne ne kete qytet si vemje si Kavje Laboratori. Dhe me qe vete po ushqehen si larva sistemi, nuk lene as femijet te kene kurajo., te jene te lire.
Keqardhje per qytetin ku u rrita dhe do te jetoj per gjithe jeten time. E KEQJA DO TA BEJE TE SAJEN PO KOKEN E VET DO TE HAJE….
Nese jatroi dentar kerkon qe te impulsoje prinderit apo dhe femijet ku nje pjese e tyre qe dolen ne Gjirokaster beren zallamahi ne ato pak ore, ketu nuk hyn me ne pune hesapi i tij personal, por thirrje per mosbindje civile madje haptazi fare, çka perben shkelje te rende ligjore.
Si mundet qe nje mjek, qe ka bere dhe betimin e Hipokratit, te marre guximin dhe te shfryje kaq haptazi ndaj atyre prinderve duke i etiketuar si vemje e kavie laboratori?
Si mundet t’i quash larva sistemi ata prinder, qe sot me ato pak rroga, apo pa rroga fare, mundohen qe t’ia plotesojne deshirat modeste femijeve te tyre?
Si t’i nxjerre goja ato togfjalesha kaq poshteruese karshi tyre?
Edhe nese femijet dolen, ata nuk kishin prere bileten per te shfryre orekset e vrenjtura te tuat apo te te tjereve per te nxjerre geshtenjat qe deshiron t’i shijosh ti apo ndokush ne prerjen tende.
A ke provuar ndonjehere t’i flasesh me kete gjuhe kaq poshteruese femijeve te tu “jatre”?
Po ata prinder qe ti i etiketove si kavie laboratori apo vemje, si mund te ndihen kur lexojne keto rreshta qe ti ke “qendisur”? Pa pyeti njehere a do te te vijne me prape per t’i sherbyer?
Ne historine boterore mjeket perhere kane udhehequr fushata veçse humanitare (çka eshte ne alfen dhe omegen e tyre profesionale) edhe fushata politike madje mjaft te suksesshme, duke u shnderruar ne burreshtetas dhe historia e ka treguar se kane qene solid ne vendimmarrje.
Fale Zotit, qe fati nuk te ra ty per te qene nje i tille ne drejtim, sepse emocionet e tua jane aq te pakontrolluara, njesoj si karroca e Kimes qe dikur ne kohen e Qoftëlargut kur e leshonte, merrte perpara çdo gje ne Pazarin Karakteristik. Aq frike e kishin femijet ate karroce, saqe u dukej nur polici i lagjes.
Keshilla e vetme ndaj jatroit dentar ne kete rast eshte mjaft miqesore madje dhe sherbyese per te: Qetesohu dhe ktheje nje here veshtrimin nga Gjirokastra, mos kerko ate qe ndokush do te donte te t’a bente ty! Gjirokastritet e dine dhe e kane perjetuar mire ’97, sepse plaget i kane ende dhe kater lapidare te te vrareve nga ajo ’97, madje i ke mu ne Pazarin Karakteristik.
Ndersa per permbajtjen e statusit, ne kuptimin juridik, eshte fund e krye i papranueshem çka meriton te vleresohet nga organet ligjzbatuese !!!
