Gjykata e Lartë shqyrton sot çështjen që lidhet me masën e sigurisë ndaj kryetarit të Bashkisë së Tiranës, Erion Veliaj.
Seanca zhvillohet në Dhomë Këshillimi në orën 9:30 dhe në qendër të shqyrtimit është masa “arrest me burg” e caktuar ndaj Veliajt. Çështja është rikthyer për shqyrtim pas vendimit të Gjykatës Kushtetuese, e cila ka kërkuar rishikimin e proporcionalitetit të masës së sigurisë.
Gjykata e Lartë do të vlerësojë argumentet e palëve dhe rrethanat e çështjes, për të përcaktuar nëse masa e arrestit duhet të vijojë apo të ndryshohet.
Erion Veliaj ndodhet prej muajsh nën masën “arrest me burg”, në kuadër të hetimeve të SPAK.
