Një aksident ka ndodhur në aksin Gjirokastër-Kakavijë, në kryqëzimin e fshatit Grapsh, ku një makinë ka përplasur një këmbësor.
Këmbësori bëhet me dije se është në gjendje të rëndë, ndërkohë që shoferi u shoqërua në komisariat.
Njoftimi i policisë:
Dropull/Informacion paraprak
Rreth orës 22:30, në aksin rrugor “Gjirokastër-Kakavije”, në vendin e quajtur “Kryqëzimi i Glinës”, shtetasi T. B., 29 vjeç, duke drejtuar automjetin tip “Volkswagen”, ka aksidentuar shtetasin S. A., rreth 60 vjeç (këmbësor), i cili ndodhet në Spitalin Rajonal Gjirokastër, në gjendje të rëndë shëndetësore.
Drejtuesi i automjetit u shoqërua në komisariat për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
