{"id":93934,"date":"2025-12-11T19:03:37","date_gmt":"2025-12-11T18:03:37","guid":{"rendered":"https:\/\/jugulajm.net\/?p=93934"},"modified":"2025-12-11T19:03:37","modified_gmt":"2025-12-11T18:03:37","slug":"foto-u-kap-ne-greqi-me-akuzen-e-vrasesit-kontrollohet-banesa-e-tij-ne-labove-te-kryqit-i-gjenden-kallash-dhe-qindra-fisheke","status":"publish","type":"post","link":"https:\/\/jugulajm.net\/?p=93934","title":{"rendered":"FOTO\/U kap n\u00eb Greqi me akuz\u00ebn e vras\u00ebsit, kontrollohet banesa e tij n\u00eb Labov\u00eb t\u00eb Kryqit, i gjenden kallash dhe qindra fishek\u00eb"},"content":{"rendered":"

Policia e Shtetit<\/p>\n

Finalizohet operacioni policor i koduar “Provat”.<\/p>\n

Bashk\u00ebpunimi mes Policis\u00eb s\u00eb Shtetit dhe Policis\u00eb Greke \u00e7oi n\u00eb zbulimin dhe sekuestrimin t\u00eb nj\u00eb arsenali arm\u00ebsh zjarri dhe municioni luftarak.<\/p>\n

Sekuestrohen 3 arm\u00eb zjarri automatike, 200 fishek\u00eb kallashnikovi, 18 pako me fishek\u00eb pistolete dhe 5 krehra.<\/p>\n

Arm\u00ebt dhe municioni luftarak u gjet\u00ebn n\u00eb nj\u00eb nga banesat e nj\u00eb prej t\u00eb arrestuarve n\u00eb Greqi, t\u00eb dyshuar si vras\u00ebs me pages\u00eb.<\/p>\n

N\u00eb kuad\u00ebr t\u00eb bashk\u00ebpunimit mes Policis\u00eb shqiptare dhe Policis\u00eb greke, pas shk\u00ebmbimit t\u00eb informacionit p\u00ebr kapjen e disa shtetasve shqiptar\u00eb n\u00eb Greqi, t\u00eb dyshuar si vras\u00ebs me pages\u00eb, strukturat e Policis\u00eb s\u00eb Shtetit n\u00eb Gjirokast\u00ebr, Vlor\u00eb dhe Lezh\u00eb, n\u00eb kuad\u00ebr t\u00eb operacionit policor t\u00eb koduar “Provat”, zhvilluan kontrolle n\u00eb banesat e k\u00ebtyre shtetasve.<\/p>\n

Si rezultat i kontrollit n\u00eb fshatin Labov\u00eb e Kryqit, sh\u00ebrbimet e Drejtoris\u00eb Vendore t\u00eb Policis\u00eb Gjirokast\u00ebr gjet\u00ebn t\u00eb fshehura, n\u00eb banes\u00ebn e shtetasit Dh. M., 45 vje\u00e7, 2 kallashnikov\u00eb dhe nj\u00eb arm\u00eb zjarri automatike, t\u00eb dyshuar t\u00eb trafikuar dhe qindra fishek\u00eb t\u00eb kalibrave t\u00eb ndrysh\u00ebm.<\/p>\n

Arm\u00ebt e zjarrit, q\u00eb u gjet\u00ebn n\u00eb banes\u00ebn e 45-vje\u00e7arit, i ndaluar 2 dit\u00eb m\u00eb par\u00eb n\u00eb Greqi, mbi akuza p\u00ebr vrasje dhe pjes\u00ebmarrje n\u00eb grup kriminal q\u00eb posedonte arm\u00eb zjarri, do t\u00eb d\u00ebrgohen tek Instituti i Policis\u00eb Shkencore p\u00ebr ekspertim teknik.<\/p>\n

Me q\u00ebllim dokumentimin e plot\u00eb t\u00eb veprimtaris\u00eb kriminale t\u00eb shtetasve shqiptar\u00eb Dh. M., 45 vje\u00e7, banues n\u00eb Labov\u00ebn e Kryqit Gjirokast\u00ebr; A. B., 32 vje\u00e7, banues n\u00eb Kudh\u00ebs Himar\u00eb; F. P., 39 vje\u00e7, banues n\u00eb Lezh\u00eb; dhe P. Th., 31 vje\u00e7, banues n\u00eb Muzin\u00eb Sarand\u00eb, t\u00eb dyshuar si vras\u00ebs me pages\u00eb, strukturat e Departamentit t\u00eb Policis\u00eb Kriminale, ato t\u00eb DVP Gjirokast\u00ebr, Vlor\u00eb e Lezh\u00eb, n\u00eb bashk\u00ebpunim me Prokurorin\u00eb, po vijojn\u00eb hetimet e thelluara duke koordinuar dhe bashk\u00ebpunuar ngusht\u00ebsisht me homolog\u00ebt grek\u00eb.<\/p>\n

Materialet procedurale iu referuan Prokuroris\u00eb pran\u00eb Gjykat\u00ebs s\u00eb Shkall\u00ebs s\u00eb Par\u00eb t\u00eb Juridiksionit t\u00eb P\u00ebrgjithsh\u00ebm Gjirokast\u00ebr, p\u00ebr veprime t\u00eb m\u00ebtejshme, p\u00ebr veprat penale \u201cTrafikimi i arm\u00ebve dhe i municionit\u201d dhe \u201cMbajtja pa leje dhe prodhimi i arm\u00ebve, arm\u00ebve shp\u00ebrthyese dhe i municionit\u201d.<\/p>\n

\n