{"id":70068,"date":"2024-01-09T21:28:56","date_gmt":"2024-01-09T20:28:56","guid":{"rendered":"https:\/\/jugulajm.net\/?p=70068"},"modified":"2024-01-09T21:28:56","modified_gmt":"2024-01-09T20:28:56","slug":"video-sherri-me-dru-e-thike-mes-fqinjeve-pse-fluturojne-pulat-lart-gardhit","status":"publish","type":"post","link":"https:\/\/jugulajm.net\/?p=70068","title":{"rendered":"VIDEO\/ Sherri me dru e thik\u00eb mes fqinjeve: Pse fluturojn\u00eb pulat lart gardhit?"},"content":{"rendered":"
Nj\u00eb banore e fshatit Shqiponj\u00eb t\u00eb Komun\u00ebs Stravaj n\u00eb Prrenjas ka treguar p\u00ebr emisionin \u201cStop\u201d n\u00eb Tv Klan se ka pasur konflikt me fqinj\u00ebn e saj. Konflikti ka lindur p\u00ebr rrethimin e pron\u00ebs, ku bag\u00ebtia dhe pulat kalonin n\u00eb pron\u00ebn e saj. M\u00eb pas, ajo e rrethoi pron\u00ebn p\u00ebr t\u00eb shmangur konfliktin.<\/p>\n
Zonja tregon se ofendohej nga fqinjet derisa nj\u00eb dit\u00eb n\u00eb muajin Tetor, u dhunua. Sipas saj, fqinjet i erdh\u00ebn n\u00eb sht\u00ebpi dhe e godit\u00ebn me thik\u00eb dhe me dru dhe nga dhuna, p\u00ebrfundoi n\u00eb spital. Denoncuesja ka deklaruar se ende nuk di arsyen pse e dhunuan.<\/p>\n
Denoncuesja:<\/strong>\u00a0Prej 5 muajsh kam nj\u00eb konflikt me komshinjt\u00eb. Konflikti q\u00ebndron se un\u00eb kam tok\u00ebn atje dhe ata fusin bagtit\u00eb, pulat e ku ta di un\u00eb se \u00e7far\u00eb, m\u00eb ofendojn\u00eb me llafet m\u00eb t\u00eb ndryra. Nuk e di p\u00ebrse, vet\u00ebm llafe t\u00eb ndyra. Nj\u00ebra quhet Majlinda Kuka, tjetra Ilirjana Kuka. Un\u00eb madje e rrethova tok\u00ebn q\u00eb t\u00eb mos kisha konflikte e ata ma prish\u00ebn, ma pren\u00eb dhe fusin gj\u00ebrat e veta. M\u00eb tej, kemi pasur konflikte vazhdimisht.<\/em><\/p>\n
Pyetje: Kur agravoi situata?<\/em><\/strong><\/p>\n
Denoncuesja:<\/strong>\u00a0N\u00eb dat\u00ebn 27 Tetor. Nj\u00eb dit\u00eb isha te toka dhe kaloj n\u00eb sht\u00ebpi, ata filluan q\u00eb ata t\u00eb flisnin, t\u00eb shanin dhe t\u00eb ofendonin dhe n\u00eb sht\u00ebpi, dal jasht\u00eb, m\u00eb dhunuan. Nj\u00ebra kishte dru e tjetra kishte thik\u00eb dhe ju thash\u00eb vet\u00ebm k\u00ebt\u00eb gj\u00eb: \u00c7far\u00eb doni k\u00ebtu? Un\u00eb me ju jam has\u00ebm. Ato m\u00eb q\u00eblluan, nj\u00ebra m\u00eb ra me thik\u00eb k\u00ebtu, kurse tjetra me dru kok\u00ebs.<\/em><\/p>\n
Pyetje: Ju ishit vet\u00ebm n\u00eb sht\u00ebpi?<\/em><\/strong><\/p>\n
Denoncuesja:<\/strong>\u00a0Mora policin\u00eb n\u00eb telefon, erdhi policia. M\u00eb mor\u00ebn me makin\u00eb dhe m\u00eb \u00e7uan n\u00eb spital n\u00eb Prrenjas, nga aty n\u00eb Librazhd, nga Librazhdi n\u00eb Elbasan.<\/em><\/p>\n
Pyetje: A e b\u00ebre ekspertiz\u00ebn mjeko-ligjore?<\/em><\/strong><\/p>\n
Denoncuesja:<\/strong>\u00a0Thjesht sa m\u00eb pa krahun dhe k\u00ebt\u00eb k\u00ebtu.<\/em><\/p>\n
Pyetje: Sa koh\u00eb ndenj\u00ebt n\u00eb spital?<\/em><\/strong><\/p>\n
Pyetje: Tashm\u00eb, \u00e7\u00ebshtja \u00ebsht\u00eb n\u00ebn hetim apo jo?<\/em><\/strong><\/p>\n
Denoncuesja:<\/strong>\u00a0Po, por mua nuk m\u00eb kan\u00eb dh\u00ebn\u00eb as p\u00ebrgjigje dhe as\u2026<\/em><\/p>\n
Pyetje: Ju sot \u00e7far\u00eb k\u00ebrkoni?<\/em><\/strong><\/p>\n
Denoncuesja:<\/strong>\u00a0Un\u00eb k\u00ebrkoj t\u00eb drejt\u00ebn time. Ndihem e k\u00ebrc\u00ebnuar. Nuk dal dot deri tek toka. Kalamajt\u00eb kan\u00eb frik\u00eb, vet\u00eb kam frik\u00eb. Un\u00eb nuk e di pse m\u00eb kan\u00eb dhunuar, un\u00eb jam n\u00eb tok\u00ebn dhe n\u00eb sht\u00ebpin\u00eb time, kurse ata vijn\u00eb dhe m\u00eb dhunojn\u00eb.<\/em><\/p>\n
P\u00ebr t\u00eb qen\u00eb transparent, emisioni investigativ \u201cStop\u201d n\u00eb Tv Klan u drejtua tek pala tjet\u00ebr, e cila mohon t\u00eb ket\u00eb pasur konflikt verbal dhe fizik. Motrat thon\u00eb se zonja q\u00eb ankohet, mund t\u2019i ket\u00eb b\u00ebr\u00eb d\u00ebm vetes.<\/p>\n
Komshia:<\/strong>\u00a0Ne jemi k\u00ebtu n\u00eb vij\u00eb t\u00eb verdh\u00eb q\u00eb nga 90-ta. Kemi ardhur nga shteti, na ka prur\u00eb k\u00ebtu. Me k\u00ebta s\u2019kemi pasur asnj\u00eb konflikt. Kemi qen\u00eb pa gardh, pa asgj\u00eb fare, pa kufi, fare thjesht\u00eb e dinim ku ishte kufiri. Thjesht\u00eb pse fluturonte pula lart. \u201cPse fluturoi pula\u201d, thoshte. Kur u vu rrjeta, filluan problemet. Hynte pula fluturonte, mir\u00ebpo ato ishin m\u00ebsuar pa gardh dhe fluturonin prap\u00eb. Kjo i kapte dhe i ngjishte nga brenda me k\u00ebmb\u00eb kjo nusja se vuan nga skizofrenia.<\/em><\/p>\n
Gazetarja: Ju e keni ofenduar dhe shar\u00eb her\u00eb t\u00eb tjera?<\/em><\/strong><\/p>\n
Komshia:<\/strong>\u00a0Jo, p\u00ebr \u00e7far\u00eb arsye mund ta shaj dhe ta ofendoj?! Ajo \u00ebsht\u00eb sjell\u00eb mir\u00eb.<\/em><\/p>\n
Gazetarja: K\u00ebt\u00eb dua t\u00eb di dhe un\u00eb!<\/em><\/strong><\/p>\n
Komshia:<\/strong>\u00a0Ajo \u00ebsht\u00eb sjell\u00eb mir\u00eb ndaj nesh.<\/em><\/p>\n
Gazetarja:\u00a0\u00a0Ju e keni dhunuar n\u00eb Tetor?<\/em><\/strong><\/p>\n
Komshia:<\/strong>\u00a0Jo, \u00e7a \u00ebsht\u00eb ky dhunim?! Si mund ta dhunoj?! Nj\u00eb njeri, q\u00eb s\u2019kam arsye, pse ta dhunoj.<\/em><\/p>\n
Gazetarja:\u00a0Po ju jeni tashm\u00eb n\u00ebn hetim, apo jo?<\/em><\/strong><\/p>\n
Komshia:<\/strong>\u00a0Thjesht\u00eb i kam k\u00ebrkuar nj\u00eb sqarim.<\/em>\u00a0<\/em>K\u00ebto gj\u00ebra i di prokuroria. S\u2019kam pse flas p\u00ebr gj\u00ebra t\u00eb tilla.<\/em><\/p>\n
Gazetarja: Po me thik\u00eb nuk \u00ebsht\u00eb goditur?<\/strong><\/em><\/p>\n
Komshia:<\/strong>\u00a0\u00c7do njeri mund t\u00eb b\u00ebj\u00eb edhe vet\u00ebvrasje. Pse duhet ta marr p\u00ebrsip\u00ebr un\u00eb?!<\/em><\/p>\n
Gazetarja:\u00a0Nuk e keni goditur me thik\u00eb?<\/em><\/strong><\/p>\n
Komshia:<\/strong>\u00a0Ne kemi qen\u00eb nx\u00ebn\u00ebse t\u00eb ekselenc\u00ebs. Ther keca, ther vi\u00e7a, ther edhe veten e vet. Un\u00eb nuk kam pse marr p\u00ebrsip\u00ebr komplet at\u00eb p\u00ebrgjegj\u00ebsin\u00eb q\u00eb mund t\u00eb ket\u00eb b\u00ebr\u00eb me veten e saj.<\/em><\/p>\n
Versioni tjet\u00ebr \u00ebsht\u00eb se nj\u00ebra prej tyre mbante dru p\u00ebr t\u00eb ecur p\u00ebr shkak t\u00eb r\u00ebndes\u00ebs n\u00eb frym\u00ebmarrje dhe fqinja mund t\u00eb jet\u00eb vrar\u00eb pa dashje tek druri.<\/p>\n
Gazetarja: Ju e keni dhunuar?<\/em><\/strong><\/p>\n
Komshia:<\/em><\/strong>\u00a0Jo!<\/em><\/p>\n
Gazetarja: Nuk i keni shkuar n\u00eb sht\u00ebpi ta dhunoni?<\/em><\/strong><\/p>\n
Komshia:<\/strong>\u00a0P\u00ebr \u00e7far\u00eb arsye mund t\u2019i shkoj tek sht\u00ebpia?<\/em><\/p>\n
Gazetarja: N\u00eb Tetor!<\/em><\/strong><\/p>\n
Komshia:<\/strong>\u00a0Ajo thjesht\u00eb erdhi k\u00ebtu. Kisha kat\u00ebr rosa. I gjujti rosave me shqelma. I tha ime mot\u00ebr \u201cl\u00ebri, se i kam bler\u00eb p\u00ebr qejf\u201d. Pa mbushur nj\u00eb or\u00eb, iku prap\u00eb, pa nj\u00eb zog t\u00eb vog\u00ebl dhe zogun me shkelma. I tha motra \u201cbuk\u00ebn ma le n\u00eb fyt, kafen ma le n\u00eb fyt. Sqarohemi, ndalo\u201d,- i tha \u00e7far\u00eb borxhi t\u00eb kam?! Ime mot\u00ebr thjesht\u00eb shkoi atje. Ngaq\u00eb nuk merr dot frym\u00eb, kur ngjitet lart dhe u ngjit me nj\u00eb shkop. Ajo i tha nj\u00eb fjal\u00eb banale, nuk e them dot, s\u2019ma z\u00eb goja dhe e shtyri. E shtyri dhe me shkopin kjo u mbajt se e shikon pjes\u00ebn si \u00ebsht\u00eb e terrenit? Nd\u00ebrkoh\u00eb q\u00eb kjo u mbajt tek krahu, ajo i tha prit se do ta rregulloj un\u00eb. Un\u00eb shkova vrapova, mora motr\u00ebn. Prit. se do t\u00eb ta tregoj. \u00c7far\u00eb do t\u00eb b\u00ebj un\u00eb ty,- i tha. U fut brenda n\u00eb kuzhin\u00eb. Un\u00eb nuk mendova, se \u00e7far\u00eb mund t\u00eb b\u00ebj\u00eb ajo. Mund t\u00eb kishte arm\u00eb brenda n\u00eb sht\u00ebpi ajo. Se \u00e7a po i thoshte kunati. Mos, mos dhe e kapi p\u00ebr duarsh. Ajo n\u00eb dor\u00eb mund t\u00eb kishte dhe thik\u00eb. U tut t\u00eb marr\u00eb thik\u00ebn, t\u2019i gjuaj\u00eb k\u00ebsaj. K\u00ebt\u00eb e mora un\u00eb posht\u00eb dhe ajo ia b\u00ebri vetes. Atje ku i gjujti kjo me shkop, ia b\u00ebri vetes.<\/em><\/p>\n
Gazetarja: Pra, ju s\u2019kishit thik\u00eb?<\/em><\/strong><\/p>\n
Komshia:<\/strong>\u00a0Thjesht\u00eb nj\u00eb shkop zem\u00ebr.<\/em>\u00a0<\/em>Shkopi ka shkuar n\u00eb prokurori. E ka par\u00eb policia. E ka par\u00eb shum\u00eb mir\u00eb\u2026at\u00eb q\u00eb mor\u00ebn d\u00ebshmin\u00eb.<\/em><\/p>\n
Prej muajit Tetor \u00e7\u00ebshtja \u00ebsht\u00eb n\u00ebn hetim. Edhe eksperti mjeko-ligjor shprehet se ekspertiza ka shkuar n\u00eb prokurori.<\/p>\n
Qytetarja:<\/strong>\u00a0A kam pasur d\u00ebmtime n\u00eb krah dhe n\u00eb kok\u00eb?<\/em><\/p>\n
Mjeku:<\/strong>\u00a0Duhet t\u2019i drejtohesh prokuroris\u00eb! Ajo i ka t\u00eb gjitha letrat. Mirupafshim!<\/em><\/p>\n\n