{"id":52870,"date":"2022-11-14T13:31:28","date_gmt":"2022-11-14T12:31:28","guid":{"rendered":"https:\/\/jugulajm.net\/?p=52870"},"modified":"2022-11-14T13:31:28","modified_gmt":"2022-11-14T12:31:28","slug":"video-kali-dhe-gomari-dy-mjetet-qe-transportojne-nxenesit-per-ne-shkolle","status":"publish","type":"post","link":"https:\/\/jugulajm.net\/?p=52870","title":{"rendered":"VIDEO\/ Kali dhe gomari, dy ”mjetet” q\u00eb transportojn\u00eb nx\u00ebn\u00ebsit p\u00ebr n\u00eb shkoll\u00eb"},"content":{"rendered":"
\n
\n

Me kal\u00eb e me gomar nuk shkojn\u00eb n\u00eb ekskursion apo n\u00eb ndonj\u00eb aktivitet n\u00eb natyre me klas\u00ebn. K\u00ebta f\u00ebmij\u00eb, nevoja i ka kusht\u00ebzuar q\u00eb p\u00ebr t\u00eb shkuar n\u00eb shkoll\u00eb si bashk\u00ebmoshatar\u00ebt e tyre, t\u00eb m\u00ebsojn\u00eb edhe t\u00eb drejtojn\u00eb kafsh\u00ebt e pun\u00ebs.<\/p>\n<\/div>\n<\/div>\n

\n
\n

\u00cbsht\u00eb e vetmja m\u00ebnyr\u00eb q\u00eb ata t\u2019ia dalin t\u00eb shkojn\u00eb n\u00eb shkoll\u00ebn e Lekasit n\u00eb Bashkin\u00eb e Kor\u00e7\u00ebs. Ajo dikur kishte mbi 250 nx\u00ebn\u00ebs. Sot, der\u00ebn e saj e mbajn\u00eb t\u00eb hapur vet\u00ebm 6 f\u00ebmij\u00eb q\u00eb vijn\u00eb edhe nga fshatrat p\u00ebrreth. Pavar\u00ebsisht harres\u00ebs dhe v\u00ebshtir\u00ebsive, familjet dhe vet\u00eb k\u00ebta nx\u00ebn\u00ebs nuk humbasin asnj\u00eb dit\u00eb shkolle, duke sakrifikuar edhe n\u00eb dimrin e ftoht\u00eb t\u00eb juglindjes.<\/p>\n<\/div>\n<\/div>\n

\n
\n

\u201cJam n\u00eb klas\u00ebn e kat\u00ebrt dhe vij \u00e7do dit\u00eb n\u00eb shkoll\u00eb me gomar. N\u00eb dim\u00ebr \u00ebsht\u00eb pak m\u00eb e v\u00ebshtir\u00eb, por jam m\u00ebsuar\u201d, tregon nj\u00eb nx\u00ebn\u00ebse.<\/p>\n<\/div>\n<\/div>\n

\n
\n

\u201cUn\u00eb jam n\u00eb klas\u00ebn e shtat\u00eb. Kam 7 vite q\u00eb vij me kal\u00eb. N\u00eb fillim, n\u00eb klas\u00eb t\u00eb par\u00eb dhe t\u00eb dyt\u00eb vinte edhe babi, por tani jam m\u00ebsuar\u201d, tregon nj\u00eb tjet\u00ebr nx\u00ebn\u00ebse.<\/p>\n<\/div>\n<\/div>\n

\n
\n

Altin Kamberi detyrohet t\u00eb l\u00ebr\u00eb pun\u00ebt p\u00ebr t\u00eb shoq\u00ebruar me kafsh\u00eb pune f\u00ebmij\u00ebn q\u00eb e ka n\u00eb klas\u00eb t\u00eb par\u00eb. \u201cVajz\u00ebn e kam n\u00eb klas\u00eb t\u00eb kat\u00ebrt, nd\u00ebrsa djalin n\u00eb klas\u00eb t\u00eb par\u00eb. Kam kat\u00ebr vite, nuk mund t\u00eb shkoj n\u00eb pun\u00eb, pasi nuk mund t\u2019i l\u00eb f\u00ebmij\u00ebt\u201d.<\/p>\n<\/div>\n<\/div>\n

\n
\n

Sot \u00ebsht\u00eb e v\u00ebshtir\u00eb ta besosh se n\u00eb Lekas dikur ka pasur shkoll\u00eb tet\u00ebvje\u00e7are dhe t\u00eb mesme dite dhe nate, farmaci dhe spital.<\/p>\n<\/div>\n<\/div>\n

\n
\n

\u201cN\u00eb kooperativ\u00eb kan\u00eb qen\u00eb 8 mij\u00eb banor\u00eb. Sot kan\u00eb mbetur vet\u00ebm 200 banor\u00eb\u201d, tregon nj\u00eb banor.<\/p>\n<\/div>\n<\/div>\n

\n
\n

P\u00ebrpjekjet p\u00ebr ta mbajtur t\u00eb pakt\u00ebn shkoll\u00ebn hapur jan\u00eb t\u00eb forta, por nuk \u00ebsht\u00eb vet\u00ebm ajo p\u00ebr t\u00eb cil\u00ebn banor\u00ebt e fshatit k\u00ebrkojn\u00eb v\u00ebmendje. Me dimrin e ashp\u00ebr n\u00eb prag i pret bllokimi rrug\u00ebve; v\u00ebshtir\u00ebsi do t\u00eb ken\u00eb edhe p\u00ebr furnizimin me energji elektrike, por \u00ebndrrat dhe shpresat vdesin t\u00eb fundit tek ata pak f\u00ebmij\u00eb t\u00eb mbetur n\u00eb fshat.<\/p>\n<\/div>\n<\/div>\n

\n
\n
\n