{"id":44347,"date":"2022-03-08T14:57:01","date_gmt":"2022-03-08T13:57:01","guid":{"rendered":"https:\/\/jugulajm.net\/?p=44347"},"modified":"2022-03-08T14:57:01","modified_gmt":"2022-03-08T13:57:01","slug":"shehu-pd-nuk-mund-te-bashkohet-mbi-perjashtimet-por-mbi-voten","status":"publish","type":"post","link":"https:\/\/jugulajm.net\/?p=44347","title":{"rendered":"Shehu: PD nuk mund t\u00eb bashkohet mbi p\u00ebrjashtimet, por mbi vot\u00ebn"},"content":{"rendered":"

Deputeti demokrat per Qarkun Gjirokaster, Tritan Shehu, ka dh\u00ebn\u00eb nj\u00eb formul\u00eb p\u00ebr bashkimin e Partis\u00eb Demokratike pas rezultatit t\u00eb 6 marsit n\u00eb 6 bashki n\u00eb vend.<\/p>\n

Ne nje reagim ne fb deputeti Shehu deklaron se PD nuk mund t\u00eb bashkohet mbi p\u00ebrjashtimet apo kufizimet, por mbi vot\u00ebn. Sipas tij, Basha \u00ebsht\u00eb humb\u00ebsi i 6 marsit dhe ish-kryetar, por se askush nuk duhet t\u00eb largohet nga PD.<\/p>\n

Ja reagimi i plote i Shehut:<\/strong><\/p>\n

PD nuk mund t\u00eb bashkohet mbi p\u00ebrjashtimet a kufizimet, por mbi vot\u00ebn. Mbr\u00ebm\u00eb d\u00ebgjoja mendime, projektime p\u00ebr at\u00eb q\u00eb PD duhet t\u00eb b\u00ebj\u00eb p\u00ebr t\u2019u bashkuar, edhe nga ajo mbledhja brenda atij \u201cbunkeri\u201d.<\/p>\n

Pozitive q\u00eb dhe aty po flitet p\u00ebr bashkim, t\u00eb gjith\u00eb jan\u00eb t\u00eb mir\u00ebpritur.<\/p>\n

Por s\u00eb pari u kujtoj koleg\u00ebve t\u00eb atysh\u00ebm se PD nuk \u00ebsht\u00eb ndonj\u00eb zyr\u00eb e vul\u00eb e uzurpuar; PD jan\u00eb idealet, njer\u00ebzit kudo, q\u00eb besojn\u00eb e luftojn\u00eb p\u00ebr ato.
\nJan\u00eb ata mij\u00ebra q\u00eb jasht\u00eb atij \u201cbunkeri\u201d me pun\u00ebn e vendosm\u00ebrin\u00eb e tyre i shp\u00ebtuan m\u00eb 6 Mars \u201cnderin\u201d PD, aq shum\u00eb i rrezikuar ky nga \u201csekti i brav\u00ebs\u201d.<\/p>\n

Jan\u00eb pik\u00ebrisht k\u00ebta q\u00eb ju soll\u00ebn dhe ju n\u00eb Sall\u00ebn e Kuvendit, d\u00ebgjojini ata! S\u00eb dyti, t\u00eb habisin disa, q\u00eb \u201cbashkimin\u201d e k\u00ebrkojn\u00eb n\u00ebp\u00ebrmjet p\u00ebrjashtimeve!<\/p>\n

\u201cDuhet t\u00eb largohet Basha dhe Berisha\u201d, nj\u00eb logjike staliniste kjo. Basha \u00ebsht\u00eb humb\u00ebsi i 6 Marsit, recidivues, ai \u00ebsht\u00eb ish-Kryetar prej 18 Dhjetorit, q\u00eb duhet t\u00eb liroj\u00eb zyr\u00ebn.<\/p>\n

Nd\u00ebrsa Berisha \u00ebsht\u00eb fitimtari edhe i 6 Marsit pa qen\u00eb Kryetar, pa pasur as zyr\u00eb. Ai nuk \u00ebsht\u00eb \u201cgogoli\u201d, q\u00eb Basha k\u00ebrkon ta paraqes\u00eb p\u00ebr t\u00eb mbajtur \u201cvul\u00ebn\u201d, \u00ebsht\u00eb lideri historik.
\nMegjithat\u00eb askush nuk duhet t\u00eb largohet nga PD, as kryetari i shkarkuar, i cili vet\u00ebm duhet t\u2019u kthej\u00eb demokrat\u00ebve at\u00eb \u00e7far\u00eb u mban padrejt\u00ebsisht.<\/p>\n

Berisha jo se jo- dhe as mund ta largojn\u00eb; \u201cbravat\u201d e tentuan nj\u00eb her\u00eb. Secili mund e duhet t\u00eb q\u00ebndroj\u00eb n\u00eb PD, pavar\u00ebsisht \u00ebsht\u00eb apo nuk \u00ebsht\u00eb kryetar.
\nDhe m\u00eb tej kush t\u00eb d\u00ebshiroj\u00eb, nga PD reale apo nga brenda atij \u201cbunkeri\u201d, pa kufizime, do t\u00eb mund t\u00eb kandidoj\u00eb p\u00ebr t\u00eb qen\u00eb \u201cKryetar\u201d.<\/p>\n

Do t\u00eb jet\u00eb vota e demokrat\u00ebve t\u00eb bashkuar ajo q\u00eb do t\u00eb vendos\u00eb Kryetarin.Demokracia nuk p\u00ebrjashton e as mund t\u2019i kufizoje t\u00eb drejtat an\u00ebtarit t\u00eb PD.
\nKjo \u00ebsht\u00eb formula e bashkimit, demokratizimit, zgjerimit, si prelud i fitores mbi regjimin, tjetra \u00ebsht\u00eb psikologjia leniniste e \u201cbrav\u00ebs\u201d.<\/p>\n

\u00c7lirohuni prej saj, b\u00ebhuni demokrate! Sepse me at\u00eb, ai lloj \u201cbashkimi\u201d do t\u00eb mbetej vet\u00ebm demagogji ose utopi.<\/p>\n

\n